“İnter” 2013/14 mövsümü üçün məqsədini müəyyənləşdirib.
Korner.az-ın məlumatına görə, klub prezidenti Georgi Nikolov açıqlamasında Avropa Liqasına vəsiqəni hədəflədiklərini bildirib.
Onun sözlərinə görə, çempionluq indiki məqamda real görünmür: “Mövsümün əvvəllərində çoxlu xal itirdik. Sonradan vəziyyət yaxşılığa doğru dəyişsə də, hazırda liderdən 9 xal geri qalırıq. Deyirlər, ümid sonda ölür. Bəxt də üzümüzə gülsə, çempion ola bilərik. Amma indiki məqamda bu, bir qədər real görünmür. Əsas hədəfimiz Avropa Liqasına vəsiqədi".
Nikolov hazırda Türkiyənin Antalya bölgəsində təlim-məşq toplanışında olan “İnter”in yaxın günlərdə heyətini gücləndirəcəyini də açıqlayıb. Lakin o, heyətə maksimum 3 futbolçunun cəlb olunacağını deyib: “Daha çox müdafiə və hücum xəttini gücləndirməyi düşünürük”.
lent.az
