“Hesab edirəm ki, “Tom”la oyun bizim üçün faydalı alındı. Rəqibimiz güclü və səviyyəli futbolçulardan təşkil edilmiş heyətə malik bir komanda idi”.
Korner.az-ın məlumatına görə, bunu “Simurq”un baş məşqçisi Georgi Çixradze deyib.
Gürcüstanlı mütəxəssis klubunun rəsmi saytına Rusiyanın “Tom” komandası ilə yoxlama matçında 1:1 hesabı ilə bitən oyununa münasibət bildirib: “Bizim oyuna gəldikdə hər gün daha yaxşı oynayırıq. Bundan əvvəlki yoxlama görüşlərindən fərqli olaraq, bu gün daha yaxşı mübarizə apardıq.
Xüsusilə də xətlərarası əlaqələrin qurulması baxımından irəliləyiş var. Baxışda olan futbolçulara gəldikdə isə bu matçda o qədər də qol vəziyyətlərimiz olmadı. Yalnız bir halda Buşiç qapıçı ilə təkbətəkdə fərqlənməyi bacardı. Hesab edirəm ki, hələ onları yoxlamağa davam etməliyik”.
