Türkiyənin həvəskarlar liqasının Trbzonda keçirilən matçında ilginc hadisə baş verib.
Korner.az-ın məlumatına görə, “Erdoğduspor” – “Akçaabat Gençlik” matçının sonunda dava düşüb.
“Akçaabat Gençlik”in 2:1 hesablı qələbə qazandığı matçdan sonra “Erdoğduspor”lu futbolçularla polislər arasında gərginlik yaşanıb. Hakimə etiraz etmək istəyən oyunçuları asayiş keşikçiləri uzaqlaşdırmaq istəyib. Bu zaman onlar polisə sərt şəkildə qarşılıq verib. Futbolçulardan biri polisə təpik atıb, digərləri isə onlara yumruq zərbələri ilə hücum çəkib.
Təxminən 2 dəqiqə davam edən davanı baş məşqçi və klub rəhbərliyi güclə sakitləşdirib. Polis 5 futbolçunu həbs edib. İfadələri alınan oyunçular sərbəst buraxılıb. Araşdırmalar davam edir.
