Bu gün Avropa Liqasının təsnifat mərhələsi çərçivəsində keçirilmiş “Qarabağ” – “Metallurq” qarşılaşmasında maraqlı məqam yaşanıb.
Korner.az-ın məlumatına görə, “ForzaNeftçi” tərəfdar qrupu Ağdam klubunun yeni transferi Corc Leroya dəstək şüarı açıblar.
Şüarda “Biz hamımız zənciyik, Biz hamımız Corc Leroyuq”, – deyə qeyd olunub.
Xatırladaq ki, Makedoniyada keçirilmiş oyunda Leroy irqi ayrı-seçkiliklə üzləşmişdi. Tribunaya toplaşan azarkeşlər 84-cü dəqiqədə meydana çıxan Corcu fitə basmış, hər topa toxunuşunda meymun səsləri çıxarmışdılar.