“Son oyunlarda istədiyimiz nəticələri qazana bilməmişik. Bununla belə, məqsədimiz dəyişməyib. Sona kimi yalnız çempionluq uğrunda oynayacağıq”.
Korner.az-ın məlumatına görə, bu sözləri “Neftçi”nin futbolçusu Flavinyo klubun rəsmi saytına açıqlamasında deyib.
Braziliyalı futbolçu “Sumqayıt”la görüşdə qələbə qazanacaqlarına inandığını bildirib: “Sumqayıt” klubunun turnir cədvəlində hansı mövqedə qərarlaşması vacib deyil. Əgər qələbə qazanmaq istəyiriksə, axıra kimi mübarizə aparmalıyıq. Düzdü, əsas heyətdən Mahir Şükürov, Bruno Bertuççi və Karlos Kardoso cəzalı olmaları səbəbindən bu matçda meydana çıxa bilməyəcəklər. Bununla belə, onların yoxluğunu hiss etdirməməyə çalışacağıq. Səfər oyunu olmasına baxmayaraq, inanıram ki, qələbə qazanacağıq”.
Qeyd edək ki, “Sumqayıt” – “Neftçi” matçı sabah, saat 15:00-da başlayacaq.
