FİFA milli komandalar üçün yeni turnir keçirmək niyyətindədi
Böyük Britaniya mətbuatı beynəlxalq futbol qurumunun yoxlama oyunlarını əvəzləyəcək Dünya Liqasının təşkilinə hazırlaşdırdığını iddia edir.
UEFA-nın Avropa yığmaları üçün formatını təsdiq etdiyi Millətlər Liqasından nümunə götürən FİFA eyni tipli turnir keçirməyi məqsədəuyğun sayıb. Bu yarışın oyunları bir il ərzində keçiriləcək və komandalar üç divizionda çıxış edəcək.
Yığmalar FİFA reytinqinə görə liqalara bölünəcək. Bu ideya ildən ilə marağını itirən beynəlxalq yoxlama oyunlarını əvəzləyə biləcək görüşlərin təşkilinə xidmət edəcək.
Dünya Liqasının ilk turnirinin 2019-cu ildə baş tutması planlaşdırılır. 2018-ci ilin payızında Millətlər Liqasında, 2019-cu ildə isə AVRO-2020-nin seçmə oyunlarında çıxış edəcək Avropa yığmalarının yeni yarışda necə iştirak edəcəyinə isə hələ aydınlıq gəlməyib.
