Hazırda icarə əsasında “Mançester Yunayted”də çıxış edən Radamel Falkao çox güman ki, mövsümün sonunda müqavilə ilə məxsus olduğu “Monako”ya qayıtmayacaq.
Korner.az-ın məlumatına görə, kolumbiyalı forvard karyerasını hətta İngiltərədə də davam etdirməyə bilər.
Məsələ burasındadı ki, Falkao yenidən “Real”ın gündəminə düşüb. Amma bu keçidin baş tutması “Mançester Yunayted”dən asılıdı. Çünki razılığa görə, “qırmızı şeytanlar” 29 yaşlı oyunçudan razı qalarsa, onu yayda 59 milyon avroya transfer etmək hüququna malik olacaq. Ancaq hazırkı vəziyyət ingilislərin baş məşqçisi Lui van Qalın ürəyincə deyil. Çünki Falkao bu mövsüm Premyer Liqada keçirdiyi 16 oyunda cəmi 4 qol və 4 məhsuldar ötürmə ilə yadda qalıb.
Qeyd edək ki, “Real” ötən yayda da Falkaonu transfer etməyə çalışmış, lakin “Monako” ispanların 60 milyon avroluq təklifini qəbul etməmişdi.
