“Bir çox ölkələrdə futbol oynamışam. İsveçrə, Fransa, İtaliya və Azərbaycan çempionatında çıxış etmişəm. ABŞ-da isə futbol fərqlidir”.
Korner.az-ın qol.az-a istinadən məlumatına görə, bu sözləri “Qarabağ”ın sabiq futbolçusu İnnosent Emeqara deyib.
ABŞ-ın “San Xose Ertkveyks” klubu ilə müqavilə imzalayan isveçrəli hücumçu bu keçidindən məmnun olduğunu bildirib:
“İndiyə qədər çıxış etdiyim ölkələrdə dil baxımından əziyyət çəkirdim. İtaliya və Azərbaycanda bu problemlə üzləşdim. Burada isə heç bir problem olmayacaq. Çıxış etdiyin ölkənin dilini anlamaq çox vacibdir. Onu da deyim ki, yeni klubumda hamı çox mehribandır. Bu baxımdan da “San Xose Ertkveyks” Avropa klublarından fərqlənir”.
Qeyd edək ki, Nigeriya əsilli futbolçu bu mövsümün əvvəlində”Qarabağ”a transfer olunmuşdu. Ötən ilin dekabrında isə müqaviləsi başa çatan Emeqara “Qarabağ”dan ayrılıb. O, “Qarabağ”ın heyətində səkkiz oyunda beş qol vurub.
