"Bu məsələ ilə 25 günə yaxındı ki, məşğulam. Bütün ictimaiyyət, oxucularımız da şahiddi ki, futbolpress.az saytını işlədə bilmirəm. Vəziyyət kritikdi".
Bu sözləri Korner.az-a açıqlamasında futbolpress.az saytının baş redaktoru Elçin Cəlilov "Xəzər Lənkəran"ın vitse-prezidenti Tuyqun Nadirovun fikirlərinə münasibət bildirərkən səsləndirib.
O, fikirlərinə belə davam edib: "Vəziyət o qədər çətinləşib ki, mən işçilərimdən ayrılmağa məcbur qalmışam. Bu məsələ bizim saytımızda gedən Rövnəq Abdullayevlə bağlı şarj-videodan sonra başlandı. Tuyqun Nadirov "Neftçi"nin prezidenti Sadıq Sadıqova zəng edərək bildirib ki, onlar saytında görürsünüz Rövnəq Abdullayev haqqında necə süjetlər gedir? Biz onların reklamını kəsmişik. Siz də kəsin. Daha sonra bu barədə mənə "Neftçi"nin vitse-prezidenti və mətbuat xidmətinin rəhbəri məlumat verdi. Hətta Tuyqun Nadirov iddia edib ki, guya mən bir jurnalist kimi "Neftçi"nin vitse-prezidenti Tahir Süleymanovla gizli işlər çevirirəm. Guya Süleymanov klubdan qeyri-qanuni pul mənimsəyir və o pullardan mənə də verir. Tuyqun Nadirov mənim "Neftçi"nin, Rövnəq Abdullayevin əleyhinə işlər çevirdiyimi və o, buna biganə qala bilmədiyi üçün bu yola əl atdığını Sadıq Sadıqova bildirib. Buna səbəb bizim saytla "Xəzər Lənkəran" arasında reklam müqaviləsinin kəsilməsi olub. O həmişə bunu öz adına çıxır, ancaq reklam müqaviləsi mənim istəyimlə pozulub. Telefon danışıqları da var açsın qoysun ortalığa. O, istəmir ki mən onun biabırçılıqlarını yazım. Onu ifşa edim. Ona görə də, mənimlə və saytımızla prinsip aparır. Və əli hər şeydən üzüldüyü üçün belə bir biabırçı üsula əl atıb. Bu iş artıq mənim üçün şəxsi məsələyə çevrilib. Mən prinsipillağımdan əl çəkməyəcəm. Haqlılığımı sona qədər müdafiə edəcəm. O, hətta Sadıq Sadıqovla da kifayətlənməyib.AFFA-nın baş katibi Elxan Məmmədova da zəng edərək bildirib ki, mən Sadıq Sadıqova demişəm ki o sayt Rövnəq müəllim haqqında ağzına gələni yazır. Amma siz ona reklam verməyə davam edirsiz. Elxan Məmmədov isə bildirib ki, mən bu barədə Rövnəq Abdullayevə heç nə deyə bilmərəm. Hansısa saytla probleminiz varsa özünüz həll edin. Bunalrın hamısı faktdı, dəqiqləşdirilimiş fikirlərdi onu da deyim. O daha sonra yenə "Neftçi" klubunun prezidentinə zəng edərək deyib ki, məsələ ciddidi reklamı kəsməlisiz. Bu barədə mənə "Neftçi" klubundan məlumat daxil olanda mən onlara bildirdim ki, üzləşməyə hazıram. Tuyqun Nadirov da gəlsin mən də siz də oturaq məsələni aydınlaşdıraq. Mən hətta bu barədə saytımızda yazı da yazdım. Və bu saytda gedən son yazı oldu. 10 günə yaxındı ki, sayt fəaliyyətini dayandırıb. Və bu adam artıq qaçır. Gördü ki, Elçin Cəlilov məsələnin dərinliyinə gedir ona görə qaçır.Ona çoxsayılı zənglər olunur "Neftçi" klubu tərəfindən. O ya zənglərə cavab vermir, ya da müxtəlif bəhanələrlər görüşdən qaçır. Tahir Süleymanov mənə bildirib ki, bu məsələ həm onun həm də klub prezidenti Sadıq Sadıqovun nəzarətindədi. Lakin o, qaçmağa və söhbətdən yayınmağa davam edir. Bu gün saytınıza verdiyi açıqlamanı da oxudum. O, "dalana dirənib". Mən bu açıqlamadan sonra "Neftçi" klubuyla əlaqə yaratdım dedim ki, Tuyqun Nadirov belə bir açıqlama verib. Gedin oxuyun axı o, hər şeyi təkzib edir. "Neftçi" tərəfi isə onun zənglərini göstərməyə və ictimailəşdirməyə hazır olduqlarını dedilər. Mən onlara təşəkkür edirəm. Tuyqun Nadirov elə bilir onlar mənim saytıma reklam verirlər. Lakin 3 aydı ki, yeni reklam müqaviləsi "Neftçi" və futbolpress.az arasında imzalanmayıb. Bu məsələnin dərinliyinə gedib aydınlaşdırmayınca və ən nəhayət bu məsələ həll olunmasa, yeni müqavilə imzalanamayacaq. Mənim prinsipiallığımı Tuyqun Nadirov da, Mais Mənsimov da yaxşı bilir. Mən onlarla da müqaviləmi başqa bir məsləyə görə pozmuşdum. Saytın imicini qorumaq məqsədilə. "Neftçi" rəhbərliyi Tuyqun Nadirovla üzləşməyə hazır olduğunu bildirib. Mən bu gün ona zəng də etmişəm mesaj da yazmışam ki, niyə ortaya çıxmırsan? Qarşı təfər hər şeyi sübut etməyə hazırdı. Əslində sən bir çox şeyi sübut etməlisən. Bu məsələ həll olunmasa saytımızın fəaliyyətinə böyük təhlükə yaranacaq. Son olaraq mən klubun prezidenti Mais Mənsimova və klubun fəxri prezidenti Mübariz Mənsimova səslənirəm. Bu məsələylə maraqlansınlar. Bu adam bir ildən çoxdu ki, bizə hücum edir. Bu səbəbdən bir çox əməkdaşımla yolları ayırmışam. Onlar maddi çətinliyə görə, saytdan ayrılıblar.Mən klubun prezidenti Mais Mənsimova, fəxri prezidenti Mübariz Mənsimova burdan müraciət edirəm, Tuyqun Nadirovun bu hərəkətlərindən hansının xəbəri varsa, bu işə reaksiya versnilər. Mən sadəcə üzləşmə istəyirəm. Özümə, haqlı olduğuma güvənirəm və üzləşməyə dəvət edirəm, qaçmasın. Qaçmağı bizim saytın ziyanınadı. Əgər o da dediklərinin həqiqət olduğunu sübut eləməyə hazırdısa, buyursun onda. Niyə qaçır üzləşmədən? Sizdən bu məsələyə əncam çəkməyinizi gözləyirəm."
