“Xəzər Lənkəran”ın baş məşqçisi Elbrus Məmmədov Premyer Liqanın 26-cı turunda AZAL-a 1:3 hesabı ilə uduzduqları oyunu şərh edib.
Korner.az-ın PFL-in rəsmi saytına istinadən verdiyi məlumata görə, Məmmədov zəif təsir bağışladıqlarını bildirib:
“AZAL bu gün bizdən istəkli idi. Rəqib bizi üstələdi. Qələbə münasibəti ilə rəqibi təbrik edirəm. Biz isə ardıcıl iki oyunda zəif təsir bağışlayırıq. Bütün bunlardan nəticə çıxarmalıyıq. Bəzi gənc oyunçular artıq hesab edirlər ki, əsas heyət üzvləridir. Amma vəziyyət belə deyil”
