Edin Nureddinoskinin çənəsi sınıb və beyni silkələnib

Bu gün keçirilən "İnter" – "Bakı" matçının ikinci hissəsində "bankirlər"in futbolçusu Samir Zərgərovla mübarizədə zədələnərək yerdə qalan və dərhal təcili tibbi yardım maşını ilə xəstəxanaya aparılan Edin Nureddinoskinin vəziyyəti bəlli olub.

Bu barədə Korner.az-a açıqlama verən klubun icraçı direktoru Yaşar Seyidov hal-hazırda müayinə olunan qapıçının vəziyyəti ilə bağlı bildirib ki, onun çənəsi sınıb və beyni silkələnib. Daha dəqiq diaqnoz isə tam müayinədən sonra bəlli olacaq.