Ukrayna Premyer Liqasında 31-ci turun oyunları keçirilib.
Korner.az-ın məlumatına görə, U-21 millimizin futbolçusu Dmitri Nağıyevin çıxış etdiyi “Dnepr” səfərdə “Vorskla” ilə qarşılaşıb və bu oyundan məğlubiyyətlə ayrılıb – 0:1.
Start heyətdə meydana çıxan Nağıyev 81-ci dəqiqədə əvəzlənib.
“Dnepr” hazırda elitada qalmaq uğrunda mübarizə aparan ikinci altılıq komandaları arasında 22 xalla 5-ci pillədə qərarlaşıb. Bu komandadan öndə qərarlaşan “Karpatı” isə mövsümün başa çatmasına 1 tur qalmış xallarının sayını 27-ə çatdıraraq, “Dnepr” üçün əlçatmaz olub. Bu isə futbolçumuzun klubunun elita ilə rəsmən vidalaşması deməkdi.
