Divizion klubları cərimələndi
25.09.2019 , 16:38
Bu gün AFFA İntizam Komitəsinin növbəti iclası keçirilib.
Korner.az xəbər verir ki, aparılan müzakirələrdən sonra Birinci Divizionun 4-cü turunun oyunları ilə bağlı aşağıdakı qərarlar qəbul olunub:
“Sumqayıt-2” – MOİK matçında MOİK-in 4 futbolçusu sarı vərəqə ilə cəzalandığı üçün klub 80 manat cərimə olunub. Oyunun 76-cı dəqiqəsində MOİK-in futbolçusu Ruslan Bayramov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 20 manat cərimə olunub. “Sumqayıt-2” klubu matçın protokolunu vaxtında tərtib etmədiyinə görə 80 manat cərimə olunub.
“Ağsu” – “Neftçi-2” matçında “Ağsu” klubu matçın protokolunu vaxtında tərtib etmədiyinə görə 80 manat cərimə olunub.
“Qarabağ-2” – “Səbail-2” matçında qonaq komandanın 4 futbolçusu sarı vərəqə ilə cəzalandığı üçün “Səbail” klubu 80 manat cərimə olunub.
“Turan Tovuz” – “Kəpəz” matçında “Turan Tovuz”un nümayəndəsi oyunöncəsi iclasa gecikdiyinə görə klub 80 manat cərimə olunub. “Turan Tovuz” və “Kəpəz” azarkeşləri pirotexniki vasitələrdən istifadə etdiklərinə görə hər iki klub 80 manat cərimə olunub.
Birinci Divizionun 3-cü turunun MOİK – “Keşlə” matçında MOİK komandası oyunun videoçəkilişini aparmadığına görə klub 80 manat cərimə olunub.
