“Mançester Yunayted”in futbolçusu David De Xeanın komanda ilə olan hazırki müqavilə müddəti 2019-cu ilin yayında başa çatacaq. Bu səbəbdən istedadlı qapıçı uğrunda bir sıra klublar, xüsusilə də “Real” mübarizəyə qoşulub.
Bəzi mənbələr De Xeanın “Real”a gedişinin yaxın olduğunu və bu ilin yayında transferin baş tutacağını iddia edirdi. Lakin “The Times” nəşri bu idiaları təkzib edib və qapıçının komandası ilə yeni saziş imzalayacağını bildirib. Yeni müqaviləyə əsasən, De Xea həftəsinə 220 min funt-sterlinq qazanacaq.
İspaniyalı qapıçı 2011-ci ildən “Mançester Yunayted”in şərəfini qoruyur.