De Byazi: “Hər bir futbolçunun hazırkı durumunu görməliyik”
26.05.2021 , 15:20
Sabah Alanyada keçiriləcək Türkiyə – Azərbaycan beynəlxalq yoldaşlıq oyunu ərəfəsində təşkil olunan mətbuat konfransında Azərbaycan millisinin baş məşqçisi Canni De Byazi fikirlərini bildirib.
Korner.az xəbər verir ki, o, rəqibə çətinlik yaratmağa çalışacaqlarını söyləyib:
“Sabah iki qardaş ölkənin komandası qarşı-qarşıya gələcək. Türkiyə millisinin çox yaxşı legionerləri var. Olduqca keyfiyyətli komandadr. Burada olduğum üçün sevinirəm. Rəqibə çətinlik yaşatmaq üçün əlimizdən gələni edəcəyik. Hər bir futbolçunun hazırkı durumunu görməliyik. Onları seçmə mərhələ oyunlarına hazırlamaq lazımdı. Düşünürəm ki, komandamız həm böyüyür, həm də inkişaf edir. Gələcəkdə hər şey daha yaxşı olacaq. Hər matçda əlimizdən gələnin ən yaxşısını edəcəyik. Əsas olan beynəlxalq arenada oyun təcrübəsi qazanmaqdır”.
