"Qış fasiləsində 4 azərbaycanlı futbolçunun alınmasını istəmişdim, alınmadı ve səbəbini də bilirəm. Futbolçuların maaşlarının verilməməsindən söhbət gedə bilməz. Sadəcə ləngimə ola bilər. İnanıram ki, bu problem klub prezidenti tərəfindən ən qısa zamanda həll ediləcək. Ən böyük sıxıntımız azərbaycanlı futbolçuların azlığıdı. Biri zədələnincə yerdəyişmə etməyə məcbur qalırdıq. Uğursuzluqda komandanın hər üzvünün payı var. Ancaq hər şeyi rəhbərliyin üzərine atmaq doğru deyil. Uğursuzluqda ən az payı olan rəhbərlikdi".
Korner.az-ın məlumatına görə, bu fikirləri keçirdiyi mətbuat konfransında "Xəzər Lənkəran"ın baş məşqçisi Mustafa Dənizli deyib. Türkiyəli mütəxəssis həmçinin bildirib ki:
"Azarkeşlərin uğursuzluq qarşısındakı reaksiyalarını anlayışla qarşılayıram. Ancaq bu, mənim işimə mənfi təsir etməz. Mən bu reaksiyaları sakit qarşılayıb, öz işimi görməliyəm".