Avropa Liqasının ikinci təsnifat mərhələsi çərçivəsində “Qəbələ” ilə qarşılaşacaq “Çukariçki” klubunun hücumçusu Andriya Pavloviç Serbiya mətbuatına açıqlama verib.
Korner.az-ın məlumatına görtə, 21 yaşlı futbolçu Avropa Liqasının II təsnifat mərhələsində qarşılaşacaqları “Qəbələ”dən çəkinmədiklərini bildirib: “Domjale” ilə oyunlarda qol vurmaq üçün xeyli şanslarımız oldu. Ancaq bunların yalnız birindən istifadə edə bildik. Ümid edirəm ki, “Qəbələ” ilə oyunlarda daha çox qol vuracağıq.
Üç il öncə “Rad”ın heyətində “Qəbələ”yə qarşı yoxlama görüşündə oynamışam. Həmin vaxt “Qəbələ” əsasən səviyyəli legioner futbolçulardan təşkil olunmuşdu. Onların indiki heyəti haqda məlumatım yoxdur. Amma mən uğur qazanacağımıza inanıram. İlk matçımızı evdə keçirəcəyik. Bu görüşdə qələbə qazanmağa çalışacağıq. Avropa Liqasında zəif rəqib yoxdur. Lakin biz “Qəbələ”dən qorxmuruq”.
Qeyd edək ki, iyulun 16-da Serbiyada keçiriləcək “Çukariçki” – “Qəbələ” matçı Bakı vaxtı ilə saat 23:30-da başlayacaq.
