Topaz Premyer Liqasının 24-cü turuna “Xəzər Lənkəran” – AZAL qarşılaşması ilə yekun vuruldu. Hərəyə bir dəfə fərqlənən tərəflər yekunda bir xalla kifayətlənməli oldular – 1:1.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir.
Vaqif Sadıqov, AZAL klubunun baş məşqçisi: “Rəqib komandaya yeni baş məşqçi təyin olunduğundan fərqli oyun olacağını bilirdik. Oyunumuzu pressinq və əks-hücum üzərində qurmuşduq. İlk hissədə qol istəyimizə çatdıq. Fikrimcə hər iki komanda ilk altılığa layiqdir və bugünkü oyun da bunu göstərdi. Hesabı oyuna görə ədalətli sayıram. Komandam ilə fəxr edirəm”.
Con Toşak, “Xəzər Lənkəran” klubunun baş məşqçisi: “Həm oyun baxımından, həm də təşkilatlanmaya görə AZAL çox yaxşı komandadır. Rəqib azlıqda qalandan sonra hesabı xeyrimizə dəyişmək üçün imkanlarımız oldu, qələbə də qazana bilərdik. Futbolçular daha çox fərdi bacarıqlarını göstərməyə çalışırdı, buda komanda oyununa təsir edir”.
