Çimərlik futbolunda daha bir uğurlu nəticə

Futbolçularımız Belarusun Vitebsk şəhərində təşkil olunan III Beynəlxalq çimərlik futbol turniri “Dostluq kuboku”ndan qayıdıb. Korner.az– ın klubun rəsmi saytına istinadən məlumatına görə, təmsilçilərimiz 9-12 avqust tarixlərində, 8 komandanın iştirak etdiyi yarışda finala kimi irəliləyib.

“Zolaqlılar” yalnlız finalda meydan sahibləri- Belarus yığmasına 3:5 hesabı ilə məğlub olaraq ikinci yerlə kifayətlənməli olublar.Qeyd edək ki, turnirə Polşa, Latviya, Litva kimi milli komandalar, Belarusun Bate və Qomel eləcə də Rusiyadan klublar qatılıb.

Sevindirici haldır ki, turnirdə ən yaxşı qapıçı komandamızın üzvü Elçin Qasımov, ən yaxşı ikinci bombardir isə Orxan Məmmədov olub. Azərbaycanlı FİFA referisi Əfqan Həmzəyev isə “Dostluq kuboku”nun ən yaxşı hakimi seçilib.