Premyer Liqanın bombardiri, “Neftçi”nin ən məhsuldar futbolçusu Nikolas Kanales “ağ-qaralar”ı tərk edə bilər.
Korner.az-ın məlumatına görə, buna səbəb tərəflərin yeni müqavilə şərtlərində ortaq məxrəcə gələ bilməmələridi.
Belə ki, istər Avroliqa, istərsə də ölkə çempionatı və kubokda vurduğu qollarla “Neftçi”yə qələbə, xallar qazandıran çilili forvard daha çox əmək haqqı təlıəb edir. Bu isə paytaxt klubunun narazılığına səbəb olub və “Neftçi” tərəfi Kanalesin istədiyi məbləği ona verə bilməyəcəyini açıqlayıb.
Əgər “flaqman”ın şərtləri hücumçunu qane etməsə o zaman futbolçunun gələcək təklifləri dəyərləndirəcəyi realdı.
Qeyd edək ki, Julius Vobayın da maliyyə şərtləri səbəbindən komandadan gedəcəyi gözlənilir.
