Dünən İngiltərə Premyer Liqasının 37-ci turunda “Çelsi” səfərdə “Vest Bromviç”i 1-0 hesabı ilə məğlub edərək çempionluğunu rəsmiləşdirib.
Korner.az-ın məlumatına görə, “Çelsi”nin ulduz futbolçuları oyundan sonra çempionluq haqda danışıb.
Sesk Fabreqas: “Birinci hissədə şansımız var idi, lakin gərgin idik və nəticə əldə edə bilmədik. Oyunlarda çox oynamayan futbolçu çempionluq qolunu vurdu. Futbolun gözəlliyi bundadır”.
Matçı ehtiyat oyunçular skamysında izləyən və mövsümün sonunda komandadan ayrılacaq Con Terri: “Oturub bu matçı izləmək fərqli bir vəziyyət idi. İlk gündən bəri komandada birlik var idi”.
İlk dəfə Premyer Liqa çempionu olan David Luiz: “Premyer Liqada ilk çempionluğumdu. Buraya ona görə gəlmişdim ki, xəyalımı gerçəkləşdirim. Çox xoşbəxtəəm. Xəyalımı gerçəkləşdirdim. Bu anları yaşamaq üçün çox çalışdıq”.
Qari Keyhil: “Buraya gələ bilmək üçün çox çalışdıq. Çempionatın ən yaxşı komandası olduq. Bundan daha yaxşı bir hiss yoxdu”.
