Milli komandamızın üzvü Eddi İsrafilov İspaniya La Liqasında çıxış edən “Eybar”da rəqabətə duruş gətirməyib.
Korner.az-ın məlumatına görə, “Mursiya”ya məxsus yarımmüdafiəçi Sequnda divizionunda çıxış edən “Kordoba”ya keçidindən 1 gün sonra yerli mətbuata müsahibə verib.
Anqola əsilli futbolçu bu keçiddən sonra milliyə dəvətlə bağlı problem yaşamayacağını düşündüyünü bildirib:
“Mursya” ilə gözəl xatirələrim qalıb. Oranı özümə həmişə doğma hesab etmişəm. “Kordoba”ya keçmək maraqıdı. Çünki bu, Sequndada ilk üçlükdə qərarlaşmış komandadı. Rəhbərliklə milli barədə də danışığımız olub. Robert Prosineçki dəvət edəcəyi təqdirdə, problem yaşatmayacaqlar. Amma burada daha çox oynamalıyam ki, milliyə dəvət alım”.
