Hal-hazırda Türkiyənin Antalya şəhərində təlim-məşq toplantısında olan "Qarabağ"ın futbolçusu Namiq Yusifovun Korner.az saytına müsahibəsi
– Geridə qoyduğumuz il sənin üçün necə keçdi?
Əvvəla 2013-cü ildə bütün fubol sevərlərə uğurlar arzu edirəm və Azərbaycan futboluna göstərilən layiqli qayğıyada uğurlar arzu edirəm. 2012-ci il mənim üçün pis keçdi. İlin axırında çox zədələndim.
– "Qarabağ"ın birinci dövrədə ki oyunu barəsində nə deyə bilərsən?
Birinci dövrədə komandamız heçdə pis təsir bağışlamadı.Sadəcə bəzi oyunlarda bəxtimiz gətirmədi.
– Sənsə, birinci dövrəni lider başa vura bilməməyinizə nə mane oldu?
Dediyim kimi bəxtimiz gətirmədi. Çox oyunda layiq olmadığımız heç-heçəni aldıq və yaxud uduzduq. Oyunlarda qol imkanlarından çox yararlana bilmədik.
– Antalyada, hazırlıq çərçivəsində "Qarabağ"a yeni oyunçular gələcəkmi?
Bəli, komandaya yeni oyunçular dəvət olunacaq. Bu bizim baş məşqçinin işidir və hamı onun qərarlarına hörmət etməlidir.
– "Qarabağ"da olduğun müddətdə Azərbaycandan, eləcə də xaricdən təklif gəlib?
Təkliflər olub. Amma mən "Qarabağ"da qalmağı üstün tutmuşam. Bu haqda başqa nəsə deyə bilmərəm.
– Öz mövqeyində yaxşılardan birisən. Fikirincə, niyə Berti Foqts səni milli komandaya dəvət etmir?
Bu sualı Cənab Berti Foqtsa versək daha yaxşı olar. Məni milliyə dəvət etməməyinin səbəbin məndə bilərəm. Allah Azərbaycan futboluna yardım etsin.
Adil Mirzəzadə
