Bilmirəm, dünya çempionatlarının havasındandır, yoxsa suyundan, hər dəfə 4 ildən keçirilən bu mötəbər turnirdə oynanan
futboldan daha çox, hakim səhvləri müzakirə mövzusu olur. Çünki bir şəxsin məsuliyyətsizliyimi deyim, hoqqabazlığımı
deyim, 11 nəfərin zəhmətini və 1 xalqın arzularını puç edir. Elə ona görə də sizə dünya çempionatları tarixinə keçən hakim səhvləri haqda danışmaq istəyirəm. Oxuduqca siz də “bu qədər də olmaz!” deyəcəksiniz.
Argentina-Fransa (1930, Uruqvay)
Fransa 0:2 hesabı ilə, amma hakim oyunun 7 dəqiqəsini “oğurlamağı” bacardı. Uruqvaydakı maç xeyli qalmaqallı oldu.
Fransalı oyunçuların aramsız etirazlarından sonra hakim oyunçuları yenidən stadiona çağırmaq məcburiyyətində qaldı.
Braziliya-İsveç (1978, Argentina)
Braziliyalı Zikon künc zərbəsindən ötürülən topu başla qapıya göndərməyi bacardı. Amma uelsli hakim Kliv Tomas top qapı
xəttini keçməmiş final fitini səsləndirdi və beləcə Braziliyanın bir qolunu “yedi”, matç 1:1 hesabı ilə başa çatdı.
Qərbi Almaniya- Fransa (1982, İspaniya)
Yarımfinal görüşü 1:1 hesabı ilə davam edərkən Patrik Battiston topu qapının önünə qədər gətirdi, ancaq Şumaxer bir anda
yerindən fransızın üzərinə tullandı. Çənəsi qırılan Battiston meydandan xərəklə daşınsa da, hakim Şumaxerə nəinki vərəqə
vermədi, heç cərimə zərbəsi də təyin etmədi.
Argentina-İngiltərə (1986, Meksika)
Dünya çempionatları lüğətinə “Tanrının əli” adı ilə düşən qol. Dieqo Maradona ilə Peter Şilton topa eyni zamanda tullandı.
Əfsanəvi oyunçunun topu əli ilə qapıya göndərdiyini hakimdən başqa hamı gördü. İngilis müdafiəçilərin qəzəbli etirazlarına
rəğmən, hakim qolu qeydə aldı. Ardınca Armando daha bir qol vurdu və Argentinanı çiyinlərində yarımfinala daşıdı.
Braziliya- Türkiyə (2002 Cənubi Koreya və Yaponiya)
DÇ-2002-də Türkiyənin ilk matçı. Amma hakim bu oyunda biri digərindən qalmaqallı iki qərarı ilə gündəmi zəbt etdi. Maçın
son dəqiqələrinə 1-1 lik bərabərlilə girilsə də, səhnəyə çıan Cənubi Koreyalı hakim Alpayın Luizaonu cərimə meydançası
xaricində yıxmasına rəğmən da “ağ nöqtə” ni göstərdi. Penaltini qola çevriən Rivaldo “sambaçı”lara qləbə qazandırdı. Hələ
bu harasıdır? Hakan Ünsal künc zərbəsini yerinə yetirməsi üçün topu Rivaldoya atdı. Amma özünü top sanki üzünə dəymiş
kimi aparan, Rivaldo”mehriban ata” Yonq Ju Kimi Hakan Ünsala qırmızı vərəqə verməyə məcbur etdi.
Cənubi Koreya – İtaliya (2002, Cənubi Koreya və Yaponiya)
Bu görüşə ekvadorlu hakim Byron Moreno damğasını vurdu. Dördüncü dəqiqədə əvvəlcə İtaliyanın qapısına şübhəli penalti
təyin edən hakim daha sonra yenə şübhəli epizodda Françesko Tottiyə ikinci “sarı”nı göstərdi. Damiano Tomasın “qızıl
qol”a gedən həmləsi keçərsiz sayıldı, ən sonda isə Cənubi Koreya gülən tərəf oldu. Amma bu qalmaqala görə həmin vaxt
italyan klublarında forma geyinən bir çox cənubi koreyalı futbolçu klublarından qovuldu.
Cənubi Koreya – İspaniya (2002, Cənubi Koreya və Yaponiya )
İspaniyanın iki qolunun keçərsiz sayılması ilə yenə ev sahibi komandanın üzü güldü. Cənubi koreyalılar penaltilərlə
yarımfinala yüksəldi. Hissələrarası fasilədən sonra Kim Tae-Yonq topu öz qapısına göndərsə də, Fernando Moryentesin
oyundankənar vəziyyətdə olması səbəbi ilə qol sayılmadı.
Xorvatiya – Avstraliya (2006, Almaniya)
Bir hakim bir oyunçuya 3 sarı göstərməz deməyin. Xorvatiya-Avstraliya maçında ingilis hakim Qrehem Poll bunu bacardı.
Xorvat oyunçuya 2 sarı kart göstərən Poll onu qırmızı vərəqə ilə oyundan çıxartmağı unutdu. Matçın sonrakı dəqiqələrindəSimuniçə daha bir “sarı” göstərən hakim bu dəfə “qırmızı”nı çıxartdı. Bununla da Poll bir görüşdə bir oyunçuya 3 sarı göstərən hakim olaraq tarixə düşdü.
İtaliya – Avstraliya (2006, Almaniya)
1/8 final maçının uzatma dəqiqələrində ispan hakim çox şübhəli penalti təyin etdi və topun arxasına keçən Françesko Totti
İtaliyaya 1/4 final vəsiqəsi verən qolu vurdu.
Argentina-Meksika (2010 Cənubi Afrika)
Argentinanın Meksikanı 3:1 məğlub etdiyi maçda Karlos Tevez vurduğu qolla tarix səhnəsində yerini aldı. Çünki o, topa
toxunduğu anda oyundankənar vəziyyətdə idi. Sonralar Tevez özü də həmin anda ofsaydda olduğunu etiraf etdi.
Almaniya – İngiltərə (2010, Cənubi Afrika)
Hələ də müzakirə olunan və “Goal Line” texnologiyasının kəşfinə təkan verən qərar. Almaniya ilə İngiltərə arasında
oynanılan 1/8 final maçında Lempardın vurduğu top qapı xəttini 38 santimetr keçsə də, hakim qolu qeydə almadı. Nəticədə
görüşü 4:1 hesabı ilə qazanan almanlar adlarını növbəti mərhələyə yazdırdılar.
P.S. Əslində, bu cür hakim biabırçılıqlarını çox da müzakirə etmək lazım deyil. Çünki Platini əmi demişkən, “hakim səhvləri
futbolun gözəlliyidir”. Odur ki, əziz hakimlər, meydanda istədiyiniz hoqqanı çıxardın, bizsə “gözəllikdir, əşi” – deyib keçərik.
Hazırladı: Ürfan Məmmədzadə
