“Bu cür rəqibə qarşı oynamaq onların xeyrinədi” – Ayxan Abbasov
27.09.2019 , 22:01
![](https://korner.az/wp-content/uploads/2019/09/image_search_1569606975595.jpg)
Azərbaycan Premyer Liqasında VI turun “Qarabağ” – “Sumqayıt” (2:0) matçından sonra təşkil edilən mətbuat konfransında qonaq komandanın baş məşqçisi Ayxan Abbasov jurnalistlərin suallarını cavablandırıb.
Korner.az xəbər verir ki, baş məşqçi əvvəlcə görüş barədə fikirlərini bildirib.
– Futbolçuların əzmkarlığı məni qane etdi. Taktiki düzgün oynadıq. Təəssüf ki, ilk hissənin sonunda səhv bizə baha başa gəldi. İkinci hissəyə bərabərliklə yollansaydıq, daha yaxşı nəticə ola bilərdi. Gənc oyunçularımız belə matçlarda artıracaq. Bu cür rəqibə qarşı oynamaq onların xeyrinədi. İşimiz çoxdu. Mövsümün əvvəlidi. Növbəti oyunlara hazırlaşacağıq.
– Amil Yunanovun əvəzinə Mahir kimi futbolçu olsaydı taktiki gözəl oyununuz qolla da nəticələnə bilərdimi?
– Hansısa rəqib futbolçu haqda danışıb, öz futbolçumuza həqarət etmək istəmirəm. Əlimizdə olanlar bunlardı. Belə rəqiblə 1-2 epizod olur. Futbolçuların oyunu üzərinə götürməsi çatmadı bizdə. Olsaydı, daha kəsərli oynaya bilərdik. Sona qədər vuruşacağıq.
![](https://korner.az/wp-content/uploads/2018/06/korner-logo.png)