"Neftçi" klubunun baş məşqçisi Böyükağa Hacıyev sabah "Koper"lə Avroliqanın ll təsnifat mərhələsində keçiriləcək oyun öncəsi mətbuat konfransında jurnalistlərin suallarını cavablandırıb.
Korner.az-ın məlumatına görə, təcrübəli mütəxəssis rəqibi yaxşı analiz etdiklərini bildirib:
"Bilirsiniz ki, sabah çox ağır bir oyunumuz var.Ona görə ki, rəqib həqiqətən çox yaxşı oyun göstərir.Rəqibi çox yaxşı analiz edirik.Bilirsiniz ki, iki təlim-məşq toplantısı keçirib gəlmişik.Sabahkı oyunda çalışacağıq ki, bacardığımız qədər yaxşı oyun göstərək.Rəqib çox əzmkar oyun göstərən bir komandadır və axıra kimi mübarizə aparır.Baxdıqlarımızdan belə nəticəyə gəlmişik ki, rəqibin əsas silahı standart vəziyyətlərdir.Onlar çalışırlar ki, belə vəiyyətlərdən maksimum istifadə etsinlər.Buna misal olaraq rəqib komandanın ilk təsnifat mərhələsindəki oyununda vurduğu qolları göstərə bilərik".
