"Bu gün "Neftçi"nin istədiyi hava yox idi. Səhvlərdən qollar buraxdıq və nəticədə məğlub olduq".
Korner.az-ın Lənkərana ezam olunmuş əməkdaşının verdiyi məlumata görə, bu sözləri "Neftçi"nin baş məşqçisi Böyükağa Hacıyev deyib.
"Ağ-qaralar"ın çalışdırıcısı "Xəzər Lənkəran"a məğlubiyyəti şərh edərkən daha sonra bunları deyib:
"Bugünkü oyunun "qəhrəmanı" Saşa Stamenkoviçdi. Mən bu məsələni belə qoymayacam. Biz bu komandanı Azərbaycan üçün qurmuşuq. Amma mən meydançaya çıxana mənə olmazın söyüşlər söydülər. Ayıb olsun onlara. Mən bu qədər zəif "Xəzər Lənkəran" görməmişdim. Bu gün bəxtimizə qələbə yazılmamışdı. Ancaq tam məsuliyyətimlə deyirəm, bu mövsüm biz çempion olacağıq".
Hacıyev əvəzetmələrə də toxunub:
"Flavinyo sarı almışdı, hiss etdim ki, ikinci sarıya gedir, ona görə də əvəzlədim. Cavid isə təzyiqi azaltdığından əvəzləndi. Ancaq hər iki əvəzətmə faydasız oldu".