“Mən komandanın fəaliyyətindən razıyam. Ancaq artırmalı olduğumuz tərəflər var”.
Korner.az-ın məlumatına görə, bu sözləri “Fənərbaxça” ilə oyundan sonra “Neftçi”nin baş məşqçisi Böyükağa Hacıyev deyib.
Hacıyev məğlubiyyətdən qorxmadığını bildirib: “General əgər qorxursa, döyüşə çıxmamalıdı. Mən və komandam çox sakit idik”.
“Neftçi”nin baş məşqçisi Türkiyə və Azərbaycan arasında fərq qoymadığını deyib: “Mənim üçün Türkiyə və Azərbaycan arasında fərq yoxdu. Biz azərilər də türkük. Kiprdə mənə bir yunan jurnalisti sual verdi ki, yunanlar sizin üstünüzə gələcəklər. Amma mən dedim ki, ürəyimizin üzərində Türkiyə və Azərbaycan bayraqları var. “Fənərbaxça” ilə oyuna tam dostluq matçı kimi baxıram. Bu gün sözün əsl mənasında komplektləşdirilmiş bir komanda var. Oyun çox maraqlı oldu. Allah da bizim qardaşlığımızı qəbul edir”.
Hacıyev “Neftçi”nin kapitanı Mahir Şükürovun komandanın həm də məşqçisi üçün oynadığı sözlərinə şərh verib: “Məşqçi futbolçu üçün ata kimidi. Əgər onlar arasında etibarlı münasibət yoxsa, demək, komanda da yoxdu. Mən yalnız iki oğluma deyil, “Nefçti”nin hər oyunçusuna ata kimi münasibət bəsləyirəm. Bu, onlara oyuna mütləq köklənməyə kömək edir”.
