"Sabahkı oyunda qələbə qazanmağa çalışacağıq. İştah diş altında olur. Təbii ki, qələbə qazanmaq istəyirik. Ancaq hər şey oyunun gedişindən aslı olacaq. Siz, bunu bir istəyirsiniz, məndə onu istəyirəm".
Korner.az-ın məlumatına görə, bu sözləri Sabah Avropa Liqasının V turu çərçivəsində Serbiyanın "Partizan" klubunu qəbul edəcək "Neftçi"nin baş məşqçisi Böyükağa Hacıyev deyib.
"Ağ-qaralar"ın çalışdırıcısı hədəflərinin yalnız qələbə qazanmaq olduqlarını gizlətməyib:
. Bilirsiniz ki, Böyükağa Hacıyev həmişə iddialı olub, bu gün də iddialıdır. Meydana qələbə üçün çıxacağımız yüz faizdi. Son 5 gündə uşaqları qələbəyə kökləyirəm. Düzdü, itkilərimiz olacaq. Mahir Şükürov zədə səbəbindən oynamayacaq. Ramos da yorğun olduğundan son vaxtlar istədiyi oyunu oynaya bilmir. Ancaq istənilən halda, hədəfimiz dəyişmir. İtkilərimiz var deyə, dəsmal götürüb ağlamayacağıq ki?"
