Məlum olduğu kimi noyabrın 24-də keçiriləcək “Böyük oyun”a baş hakim Elvin Əsgərov təyinat alıb.
Onun bu matça təyinatı idman ictimaiyyətində heç də birmənalı qarşılanmır. Və əksəriyyət Elvin Əsgərovun hələ belə ağır oyunlar üçün hazır olmadığını düşünür. Bəs bu mövsümün statistikası nə deyir? Əsgərov bu mövsüm hansı oyunları idarə edib, vərəqəyə meyillidirmi, idarə etdiyi oyunlarda hansı komandalar qalib gəlib? Beləliklə, referinin cari mövsümdəki performansı…
Əsgərov bu mövsüm Premyer-Liqada 6 oyun idarə edib. Bu oyunlardan birində ev sahibi, üçündə qonaq komanda qalib gəlib, iki oyun isə heç-heçə başa çatıb. Qapılara 10 qol vurulub. 6 oyuna ümumilikdə 34 sarı, 2 qırmızı vərəqə göstərən baş hakim Premyer Liqa komandalarından ikisinin – “Qarabağ” və “Sumqayıt”ın oyununu idarə etməyib.
Elvin Əsgərovun bu mövsüm idarə etdiyi oyunlar:
3-cü tur: “Simurq” – “Xəzər Lənkəran” 2:0
Qollar: Draqan Çeran, 44; Rəşad Eyyubov, 61
Sarı vərəqələr: Benjamin Lambot, 5; Samir Zərgərov, 33; Rəşad Eyyubov, 78; / Tyeqo Xesus, 58
Qırmızı vərəqə: Draqan Çeran, 90+2 (hakimi təhqir etdiyinə görə)
5-ci tur: “Araz Naxçıvan” – “İnter” 1:3
Qollar: Ruslan Zubkov, 81 / Baçana Tsxadadze, 48; Coşqun Diniyev, 61; Asif Məmmədov, 86.
Sarı vərəqələr: Coşqun Diniyev, 56; Georgi Lomaya, 57.
6-cı tur: “Qəbələ” – “Neftçi” 0:0
Sarı vərəqələr: Adrian Ropotan, 13; Ruslan Əmircanov, 28; Pavol Farkaş, 90 / Mirhüseyn Seyidov, 37; Məqsəd İsayev, 39; Kaue, 79; Erik Ramos, 88.
7-ci tur: AZAL – “İnter” 1:1
Qollar: Kərim Diniyev, 4 / Mikel Alvaro, 76
Sarı vərəqələr: Eltun Yaqublu, 18; Luis Ramos, 28; Eduardo, 32; Şəhriyar Rəhimov, 56 / Nizami Hacıyev, 58; Coşqun Diniyev, 73; Səlahət Ağayev, 81; Arif Daşdəmirov, 82.
9-cu tur: AZAL – “Bakı” 0:1
Qol: Nurlan Novruzov, 46
Sarı vərəqələr: Rəşad Abdullayev, 45; Novruz Məmmədov, 87; Viktor İqbekoyi, 90 / Cəmşid Məhərrəmov, 28; Əziz Quliyev, 35; Vüqar Bəybalayev, 62.
Qırmızı vərəqə: Vüqar Bəybalayev, 78 (ikinci sarı vərəqə)
10-cu tur: “Araz Naxçıvan” – “Qəbələ” 0:1
Qol: Pavol Farkaş, 21
Sarı vərəqələr: Ramal Hüseynov, 19; Tərlan Xəlilov, 65; Aqil Nəbiyev, 69 / Adrian Ropotan, 51; Ruslan Tağızadə, 64; Ekiqo Ehiosun, 82.
