“Bakı”nın yeni baş məşqçisi Bojidar Bandoviç "Bakı" TV-ə müsahibə verib.
– Komandaya yeni gəlmisiniz. Uyğunlaşma prosesi ilə bağlı çətinliklə üzləşmədiniz ki?
– Düzdür, komandaya yeni gəldiyimdən, hələ ki, oyunçuları tam tanımıram və tanımaqda davam edirəm. Amma uyğunlaşma məsələsində heç bir problem yoxdur.
– Bəs, hər hansı bir psixoloji gərginlik, sıxıntı necə?
– “Mura” ilə oyunu nəzərdə tutursunuzsa, bəli, heç birimiz komandadan bu cür çıxış gözləmirdik. Ancaq biz güclü olmalıyıq və bu gücümüzü hazırkı çətin vəziyyətdən çıxmaqla sübut etməliyik. Bu sözlər tək futbolçulara deyil, klub rəhbərliyindın tutmuş, adi işçiyə qədər, hamıya aiddir. Ümumiyyətlə, hansısa bir uğurdan sonra uğursuzluğa düçar olmaq çox pisdir. Ancaq bu,futboldu. Komanda udar da, uduzar da. Mənim istəyim odur ki, komandamızda stabillik olsun. Şəxsən baş məşqçi olaraq, qarşıma qoyduğum birinci məqsəd də budur.
– Növbəti mövsüm üçün komandadan nə gözləyə bilərik, qarşıya qoyulna minimum və maksimum vəzifələr?
– Hədəfləri müəyyənləşdirmək üçün ilk növbədə klubun prezidenti ilə görüşüb müzakirələr aparmalıyam. Hər bir məşqçi əlindən gələni edir ki, çalışdırdığı komanda üçün yaxşı olsun. Hər məqşçinin də öz oyun üslubu var. Ancaq tək kəlmə ilə onu deyə bilərəm ki, bizim görüləcək çox işimiz var
