“Əsas ayaq deyil, başdı”

Rusiya millisinin yeni baş məşqçisi Fabio Kapello rus futbolçular haqda fikirlərini bildirib.

Korner.az Rusiya mətbuatına istinadən xəbər verir ki, Kapello rus oyunçuları tərifləyib: "Rus futbolçular möhtəşəmdilər.Ancaq daha təfəkkür və iradə lazımdır. İspaniya millizi uzun müddət heç nə qazana bilmədi, ancaq birdən-birə qalib komanda oldu. Çünki onlar düşüncə tərzini dəyişdilər. İş ayaqda deyil, başdadı".
Kapello yığma üzvlərinin yaşlarına da toxunub: "Mən Rusiya millisinin oyunçularının doğum tarıxlərinə baxmışam, həqiqətən də, yaşlılar var. Yoldaşlıq oyunlarında görəcəyik kim az vaxt keçirir meydanda".
İtaliyalı mütəxəssis Rusiya Premyer Liqasında rus futbolçuların azlığından da gileylənib: "Rusiya liqasında yerli oyunçunun az olması heç yaxşı deyil. Liqada rus oyunçular 50 faiz təşkil edir. İspaniya,Almaniya, Fransa ilə müqayisədə aşağı rəqəmdir. Ancaq biz milli komandaya cəlb etmək üçün yeni oyunçular axtaracağıq. Mən bacarıqlı gəncləri kəşf etmək istəyirəm, onları bölgələrdə axtarmaq lazımdı. Bu iş, böyük işdir, bu da mənim hazırlamaq istədiyim proqramdır."