“Beşiktaş”ı sevindirən, “Liverpul”u üzən xəbər

“Liverpul” klubunun hücumçusu Lazar Markoviç UEFA İntizam Komitəsi tərəfindən cəzalandırılıb.

Korner.az-ın məlumatına görə, bu xəbəri “Sky Sports” yayıb. Cəzaya serbiyalı futbolçunun Çempionlar Liqasının qrup mərhələsində “Bazel”lə oyunda rəqibinə qəsdən zərbə endirməsi səbəb olub.

UEFA bu hərəkətinə görə 20 yaşlı futbolçunu 4 oyunluq cəzalandırılıb. Bununla da, Markoviç Avropa Liqasının qarşıdakı 4 oyununda komandasına kömək edə bilməyəcək.