“Beşiktaş”ın futbolçusu Manuel Fernandes karyerasını Rusiya Premyer Liqasında davam etdirəcək.
Korner.az-ın məlumatına görə, portuqaliyalı yarımmüdafiəçi yeni mövsümdən Moskva “Lokomotiv”ində çıxış edəcək.
Bu barədə Rusiya klubu ilə yaxından bağlılığı olan FİFA meneceri Malik Arutyunov “Radiospor”a açıqlamasında məlumat verib. Onun sözlərinə görə, ötən mövsüm “Lokomotiv” Fernandes üçün “Beşiktaş”a 12 milyon avro təklif etsə də, türk klubundan rədd cavabı alıb. Mövsümün sonunda müqaviləsi başa çatan futbolçu bu dəfə Rusiya klubu üçün pulsuz başa gələcək.
M.Arutyunov əlavə edib ki, Fernandes “Lokomotiv”də bonuslardan əlavə ilinə 3 milyon avro azanacaq.
