“Oyuna görə komandama təşəkkür edirəm. Bir həftəyə çempionatın ən güclü iki komandasına qalib gəldik. Komanda hər iki oyuna yaxşı köklənmişdi".
Korner.az-ın məlumatına görə, bu sözləri "Sumqayıt" klubunun baş məşqçisi Bernhard Raab "Bakı" üzərindəki qələbəni (1:0) şərh edərkən deyib.
Almaniyalı çalışdırıcı ilk 20 dəqiqədə bəxtlərinin gətirdiyini də etiraf etdi:
"Ötən gün Mübariz Orucovun oğlu rəhmətə getmişdi, bu oyunu onun xatirəsinə həsr edirik. “Neftçi”yə qarşı göstərdiyimiz oyunu bu gün göstərə bilmədik. İlk 20 dəqiqədə bəxtimiz gətirdi ki, “Bakı” qol vura bilmədi. İlk qol epizodundan yararlanıb hesabı açdıq. İkinci hissədə “Bakı” üstünlüyü artırsa da, futbolçularım özlərini itirmədilər. Qapıçı Səlahət Ağayev də bugünkü qələbədə pay sahibi oldu. “Bakı”nın gələcək oyunlarda lazımi xallar yığacağına inanıram”.
