“Bavariya” “Valensiya”nın yarımmüdafiəçisini transfer edib

Münhen “Bavariya”sı “Valensiya”nın futbolçusu Xuan Bernatı transfer edib.

Korner.az-ın məlumatına görə, istedadlı orta sahə futbolçusunun müqaviləsi 5 il müddətinə nəzərdə tutulub. Yarımmüdafiəçi iyulun 10-dan etibarən yeni komandası ilə məşqlərə başlayacaq. Transferin dəyəri 10 milyon avro olduğu deyilir.

Qeyd edək ki, 21 yaşlı futbolçu son mövsüm 32 oyunda 1 qol və 2 ötürmə ilə yadda qalıb.