“Qəbələ” İdman Klubunun karateçiləri növbəti uğurunu qazanıb.
Korner.az-ın məlumatına görə, təmsilçilərimiz 8-ci “Baku Open” beynəlxalq turnirində fərqlənib.
Bakı İdman Sarayında təşkil olunan yarışın ilk günündə karateçilərimiz 2 medal qazanıb. 67 kq çəki dərəcəsində mübarizə aparan Rafiz Həsənov və Niyazi Əliyev finaladək bütün rəqiblərinə qalib gəlib. “Qəbələ” karateçilərinin üz-üzə gəldiyi həlledici döyüşdə Həsənov qələbə qazanıb. Beləliklə, Rafiz yarışın qızıl, Niyazı gümüş medalına yiyələnib. (gabalafc.az)