"Bakı"nın Yeni il və dünya Azərbaycanlılarının həmrəylik gününə həsr olunmuş təntənəli şənlik keçirməsi barədə məlumat vermişdik.
Korner.az-ın məlumatına görə, tədbirə klubun gənc və yeniyetmə futbolçuları, məşqçilər, klub rəhbərliyinin nümayəndələri qatılmışdılar.
"Bakı" futbol klubu təlim-məşq bazasının qapalı meydanında təşkil olunan rəngarəng şənliyə fəxri qonaqlar qismində Milli Olimpiya Komitəsinin vitse-prezidenti, dünya çempionu güləşçimiz Xəzər İsayev, Azərbaycan Gənclər idman nazirinin müavini İsmayıl İsmayılov, AFFA-nın vitse-prezidenti, millət vəkili Rauf Əliyev yer alırdılar.
Yeni il və həmrəylik bayramı ilə yanaşı 2012-ci il ərzində görülən işlər və yaddaqalan hadisələrə də nəzər yetirildi. Yarışlarda fərqlənən gənc və yeniyetmə futbolçulara hədiyyələr təqdim olundu. Gənc futbolçular klubuda yaradılan ali şərait üçün klub prezidenti cənab Hafiz Məmmədova təşəkkür edərək, bundan sonra da daha əzmkarlıqla çalışaraq, klubu milli komandalarımızda ləyaqətlə təmsil edəcəkləri sözünü verdilər.
