Sentyabrın 7-də 2014-cü il DÇ seçmə mərhələsinin ilk oyunları keçirilib. Korner.az-ın "Bakı"nın rəsmi saytına istinadən , verdiyi məlumata görə, klubun bir neçə üzvü milli komandalarının düşərgələrinə dəvət alıblar.
“Bakı” futbol klubunun müdafiəçisi Deniss İvanovs və hücumçu Maris Verpakovskis Latviya komandasının Yunanıstan millisi ilə ev oyununda əsas heyətində meydana çıxıb. Oyun 2:1 hesabı ilə qonaqların xeyrinə başa çatıb. Denis meydanda 90 dəqiqə keçirib, Maris isə oyuna 75-ci dəqiqədə daxil olub.
Komandanın yarımmüdafiəçisi Deyvidas Çesnauskis Litva komandasının slovakiyalılara qarşi oyununda 67-ci dəqiqədə oyuna qoşulub. Oyun1:1 hesabı ilə başa çatıb.
Bir gün öncə (6 sentyabr 2012) gənclərdən ibarət Azərbaycan milli komandası U-21 AVRO-2013 seçmə mərhələsi çərçivəsində evdə futbolun yaradıcıları olan ingilisləri qəbul edib. “Bakı”nin müdafiəçisi Novruz Məmmədov qarşılaşmaya əsas heyətdə çıxıb və 81 dəqiqə meydanda keçirmişdir. Oyun 2:0 hesabı ilə İngiltərə millisinin xeyrinə başa çatıb.
Sentyabrın 8-də “Bakı” futbol klubunun müdafiəçisi İbrahim Karqbo Afrika Millətlər Kuboku çərçivəsində keçirilən Syerra-Leone-Tunis qarşılaşmasında iştirak edib. Tunisə qarşı oyununda İbrahim əvəzolunmadan 90 dəqiqə oynayıb. Oyun 2:2 hesabı ilə başa çatıb.
