Topaz Premyer Liqasının 24-cü turunda "Simurq"un qonağı olacaq "Bakı" bu gün oyunun keçiriləcəyi Zaqatala şəhər stadionunda məşqə çıxıb.
Korner.az-ın klubun saytına istinadən verdiyi məlumata görə, yüksək əhval-ruhiyyə şəraitində keçən məşq, təəssüf ki, itkisiz ötüşməyib. Komandanın ispaniyalı hücumçusu Mario Martinez Rubio əzələsini dartaraq sıradan çıxıb. Onun sabahkı oyunda meydana çıxmayacağı qətiləşib.
Bu Bakı təmsilçisinin tək itkisi deyil. Daha beş futbolçu məşqə qatılmayıb. Milli komandanın Portuqliya ilə oyununda zədələnən Rauf Əliyevin sırasına, xəstələnən və hərarəti olan Cavid Hüseynov və Deyvidas Çesnauskis də qatılıbıar.
Qeyd edək ki, "Simurq – "Bakı" oyunu martın 30-u baş tutacaq.
