Kamran İsmayılovun göndərilməsindən sonra boş qalan "Bakı"nın meneceri vəzifəsinə yeni təyinat olub.
Korner.az-ın klubun saytına istinadən məlumatına görə, vakant post Vüqar Hüseynzadəyə həvalə olunub.
1991-ci ildə Bakıda anadan olan Vüqar Hüseynzadə orta təhsilini İsveçin paytaxtı Stokholmda yerləşən Yensen Gimnazium Vastrada alıb.
Sport Business Nordic (SBN) şirkətində skaut vəzifəsində çalışıb.
2010-2012-ci illərdə Amerika Birləşmiş Ştatlarının Boston Universitetində Biznes İdarəçiliyi ixtisasına yiyələnib.
2012-ci ilin fevral ayından etibarən "Bakı" futbol klubunda müşavir kimi fəaliyyət göstərib.
