Bakıda keçiriləcək birinci Avropa Oyunlarının Kommunikasiya şöbəsinin rəhbəri Uilyam Lui-Mari vəzifəsini tərk edib.
Korner.az-ın oxu.az saytına istinadən yaydığı xəbərə görə, o, işdən şəxsi səbəblərlə əlaqədar çıxdığını açıqlayıb.
“Təəssüf ki, şəxsi səbəblərə görə BEGOC-un möhtəşəm komandası ilə bu “səyahəti” axıra çatdıra bilməyəcəyəm, – deyə o, Lui-Mari “Insidethegames”ə bildirib: “Mən şadam ki, Bakıda işləyə bildim. Əminəm ki, Avropa oyunları uğurla keçəcək”.
Uilyam Lui-Marinin öz işini tərk etməsi həmkarları üçün gözlənilməz olub. Onun yerini Lui-Marinin müavini Kolin Qibson tutub.
Qibson “The Sunday Telegraph” və “The Daily Mail” kimi mətbu orqanlarda idman redaktoru işləyib. Həmçinin o, İngiltərə Futbol Assosiasiyası və Beynəlxalq Kriket İttifaqında ictimaiyyətlə əlaqələr şöbəsinin rəhbəri olub.
