Azərbaycan Premyer Liqasının növbəti iki dövrəsinə hazırlıq məqsədilə “Bakı” klubu bu gün yenidən bir araya gəlib.
Korner.az-ın klubun rəsmi saytına istinadən verdiyi məlumata görə, paytaxt təmsilçisi 2015-ci ildə ilk məşqinə çıxıb.
Bu gün saat 15:00-da klubun təlim-məşq bazasında baş tutan hazırlığa köməkçi məşqçi Rafael Əmirbəyov rəhbərlik edib.
Öncə isinmə hərəkətləri yerinə yetirən futbolçular daha sonra 3 qrupa bölünərək meydanboyu qaçıblar. Birsaatlıq yüngül və sürətli qaçışın ardından oyunçular dartınma hərəkətlərini icra ediblər.
