“Oyuna 90 dəqiqə diqtə edən tərəf biz idik. Rəqibdən fiziki cəhətdən üstün olduğumuzu da hamı gördü”.
Korner.az-ın məlumatına görə, bu sözləri “İnter” – “Tiraspol” matçından sonra “bankirlər”in hücumçusu Baçana Sxadadze deyib.
O bildirib ki, ilk penalti epizodu oyunun qırılma nöqtəsi olub: “Əlbəttə, penaltilər də, vərəqələr də doğru qərar idi. Rəqib qapıçı qırmızı vərəqə aldıqdan sonra qpenaltini dəf etmək üçün qapıya sahə oyunçuları keçdi. İlk dəfə idi ki, penaltini dıəqiq vura bilmədim. Həmin anda qapıda sahə oyunçusunun olması isə əlavə məyusluqdur”.
Sxadadze oyunu stadiondan izləyən azarkeşlərdən də razılığını ifadə edib: “O cür azarkeş dəstəyinin qarşılığında uduza bilməzdik”.
