Azərbaycan millisi Qazaxıstan, Türkiyə və Moldova ilə qarşılaşacaq
20.05.2024 , 14:50
![](https://korner.az/wp-content/uploads/2024/05/IMG_0348.png)
Azərbaycan U-19 millisi iyunun 3-dən 11-dək Moldovanın Tiraspol şəhərində yoldaşlıq turnirində iştirak edəcək.
Korner.az xəbər verir ki, bu barədə AFFA-nın saytı məlumat yayıb.
Millimizin rəqibləri Qazaxıstan, Türkiyə və Moldova kollektivləri olacaq. U-19 Qazaxıstan və Moldovadan olan həmyaşıdları ilə Tiraspolun “Şerif” stadionunda, Türkiyənin U-20 komandası ilə Benderin “Dinamo” stadionunda qarşılaşacaq.
Heyətin formalaşması məqsədilə mayın 22-23-də Milli Komandaların Təlim-Məşq Mərkəzində seleksiya xarakterli oyunlar keçiriləcək. U-19 mayın 27-dən iyunun 2-dək Bakıda təlim-məşq toplanışı keçəcək.
Oyunların təqvimi aşağıdakı kimidir:
4 iyun
20:30. Azərbaycan (U-19) – Qazaxıstan (U-19)
7 iyun
18:00. Azərbaycan (U-19) – Türkiyə (U-20)
10 iyun
20:30. Azərbaycan (U-19) – Moldovanın (U-19)
![](https://korner.az/wp-content/uploads/2018/06/korner-logo.png)