AZAL-ın əsas heyətinə iki yeni futbolçu cəlb olunub.
Korner.az-ın məlumatına görə, baş məşqçi Tərlan Əhmədov əvəzedici komandaya üz tutub.
Belə ki, gənc futbolçular – Fariz Nəcəfovla Aydın Qasımov artıq əsas komandanın məşqlərinə qatılır. Onlar yay toplanışında da iştirak edəcək və yeni mövsümdə Əhmədovun sərəncamında olacaq. Baş məşqçi gələn mövsüm tətbiq olunacaq limitə görə bu oyunçuları əsas komandaya cəlb edib.
Qeyd edək ki, Fariz Nəcəfov 1994, Aydın Qasımov 1993 təvəllüdlüdü. Hər iki futbolçu yarımmüdafiə xəttində oynayır.