Azərbaycanlı hakimə UEFA-dan təyinat
28.06.2024 , 15:32
Azərbaycanlı hakim Kamal Umudlu UEFA-dan yeni təyinat alıb.
Korner.az AFFA-ya istinadən xəbər verir ki, o, UEFA Konfrans Liqasının 1-ci təsnifat mərhələsinin cavab oyunu çərçivəsində keçiriləcək “Vlajniya” (Albaniya) – “Valyur” (İslandiya) qarşılaşmasının baş hakimi olacaq.
Ona Namik Huseynov və Vusal Mammadov kömək edəcəklər. Dördüncü hakim funksiyasını Tural Qurbanov yerinə yetirəcək.
İyulun 18-də Şkoder şəhərində yerləşən “Loro Boriçi” stadionunda keçiriləcək oyun Bakı vaxtı ilə saat 20:00-da başlayacaq.
