“Azərbaycan və Rusiya yığmalarının oyunu maraqlı olardı” – Murad Musayev
21.11.2022 , 12:01
“Sabah”ın baş məşqçisi Murad Musayev FIFA-nın Rusiya millisini beynəlxalq yarışlardan kənarlaşdırmasından danışıb.
Korner.az xəbər verir ki, rusiyalı mütəxəssis “RB Sport”a açıqlamasında hazırkı durumda yığmanın yoldaşlıq oyunlarından yararlanmalı olduğunu deyib. O, Azərbaycan və Rusiya yığmalarının maraqlı alınacağını əlavə edib:
“Vəziyyət çox çətindir. Komanda rəsmi oyunlar keçirə bilmir, turnirlərdə oynamır. Yığmanın yoldaşlıq oyunları keçirmək imkanı var. Bundan istifadə etmək lazımdır. Vəziyyət nə olursa olsun, ümid edirəm ki, tezliklə hər şey öz həllini tapacaq. Çox istərdim ki, Azərbaycan və Rusiya milliləri qarşılaşsın. Maraqlı oyun olardı. Amma təəssüf ki, mənim federasiya ilə heç bir əlaqəm yoxdur. Ona görə də Azərbaycanda insanların bu barədə nə düşündüyünü bilmirəm. Bakıda yaxşı stadion var. Belə bir qarşılaşma marağın artmasına səbəb olardı”.
