Azərbaycan millisi Olimpiya lisenziyalı yarışa bu heyətlə gedir
16.05.2024 , 13:31
![](https://korner.az/wp-content/uploads/2024/05/IMG_0211.png)
Budapeştdə keçiriləcək bədii gimnastika üzrə Avropa çempionatında iştirak edəcək Azərbaycan yığmasının heyəti bəlli olub.
Korner.az Azərbaycan Gimnastika Federasiyasının saytına istinadən xəbər verir ki, turnir mayın 22-də start götürəcək və ayın 26-dək davam edəcək. Azərbaycan komandasının tərkibində fərdi birincilikdə Zöhrə Ağamirova, Kamilla Seyidzadə və İlona Zeynalova çıxış edəcək.
Milli komanda AÇ-də həm də qrup hərəkətləri komandasının tərkibində iştirak edəcək. Azərbaycanı Ləman Əlimuradova, Yelizaveta Luzan, Zeynəb Hümmətova, Güllü Ağalarzadə, Kamilla Əliyeva və Darya Sorokina təmsil edəcək.
Yeniyetmələrin yarışında Azərbaycan gimnastları Gövhər İbrahimova, Şəms Ağahüseynova, İlahə Bahadırova və Fidan Qurbanlı çıxış edəcək.
Bu Avropa çempionatı Parisdə keçiriləcək yay olimpiya oyunlarına lisenziya xarakteri daşıyacaq. Turnirdə ümumilikdə 302 idmançı çıxış edəcək.
![](https://korner.az/wp-content/uploads/2018/06/korner-logo.png)