Azərbaycan kubokunun yarımfinal mərhələsinin ilk oyunlarında yeganə qələbəni “Qəbələ” qazanıb.
Korner.az-ın PFL-in rəsmi saytına istinadən verdiyi məlumata görə, “Xəzər Lənkəran”la görüşən Yuri Syominin komandası böyük hesabla qalib gəlib – 3:0.
Azərbaycan kubokunun 22 illik tarixində indiyədək 7 dəfə yarımfinalda 3 və ya daha çox top fərqi qeydə alınmışdı. “Qəbələ” 8-ci böyükhesablı qələbənin müəllifi olub.
Maraqlıdır ki, sonuncu böyük hesab məhz bu komandanın iştirakı ilə matçda qeydə alınmışdı. 5 il əvvəl əyalət təmsilçisi “İnter”lə ilk oyunda 0:5 hesabı ilə uduzmuşdu.
Ümumilikdə yarımfinaldakı böyükhesablı nəticələrin 3-ü ilk, 5-i cavab oyunlarına təsadüf edib.